“Revanshi”, Gjykata e Posaçme lë në burg “Niçen” e Shijakut

Gjykata e Posaçme ka lënë në burg Astrit Avdylajn, i njohur ndryshe si “Niçja” i Shijakut, i cili kishte kërkuar më herët një masë më të butë sigurie.

Në seancën e zhvilluar këtë të hënë, Avdylaj nuk ka dhënë asnjë deklarim.

Astrit Avdylaj u arrestua në Shijak, në banesën e tij, pasi ishte shpallur në kërkim nga SPAK në kuadër të operacionit ‘Revanshi’.

Avdylaj dilte në bisedat e aplikacionit Sky Ecc të dosjes ‘Metamorfoza 3’, teksa komunikonte me personazhe të tjerë të botës së krimit për vrasjen e Durim Bamit.

Dyshohet se Avdylaj kishte siguruar kushtet për Ervis Martinajn, ish-deputetin socialist Arben Ndoka dhe personazhe të tjerë të botës së krimit, për vrasjen e ‘të fortit’ të Niklës, Durim Bamit.

Pra akuza me të cilën do të duhet të përballet Astrit Avdylaj, i njohur edhe si Niçe, është ajo e ‘sigurimit të kushteve dhe mjeteve për të kryer vrasje, në kuader të grupit të strukturuar kriminal’.

LEXONI GJITHASHTU:

• U kap në banesë i armatosur, foto e re e “Niçes” së Shijakut Astrit Avdylaj
• Arrestohet ‘Niçja’ i Shijakut, Astrit Avdylaj