U kap në banesë i armatosur, foto e re e “Niçes” së Shijakut Astrit Avdylaj

Pas rreth një muaji në arrati ku i shpëtoi operacionit ‘Revanshi’, bie në pranga Astrit Avdylaj.

Sipas informacioneve personazhi i njohur i botës së krimit është arrestuar në banesën e tij në Shijak gjatë një operacioni policor.

Në momentin e arrestimit Astrit Avdylaj i njohur edhe me nofkën “Niçja”, ishte i armatosur.

Ai rezulton në kërkim nga SPAK për veprat penale të  “Sigurimi i kushteve dhe i mjeteve materiale për të kryer vrasje”, ne dëm të shtetasit Durim Bami, kryer në formë të veçantë të bashkëpunimit, atë të grupit të strukturuar kriminal, “Grup i strukturuar kriminal” dhe “Pjesëmarrje në grup të strukturuar.

Nga zbardhja e komunikimeve në aplikacionin Sky Ecc, Avdyli bashkëpunonte dhe thurte plane me grupin e ish-deputetit socialist Arben Noka dhe grupin e Ervis Martinaj për të ekzekutuar Durim Bamin. Ky i fundit është ndaluar në Dubai dhe nuk dihet nëse do të ekstradohet apo jo në Shqipëri.