Revoltohet Andin Hoti: BE nuk po na përgjigjet për të zhdukurit!

Sot është Dita Ndërkombëtare e Personave të Zhdukur. Kanë kaluar mbi 24 vjet nga lufta e fundit në Kosovë, ndërsa familjarët personave të zhdukur ende janë duke pritur përgjigje për dhe vendndodhjen e të dashurve të tyre.

Andin Hoti, kryetari i Komisionit Qeveritar për Personat e Pagjetur tha në një intervistë për Euronews Albania se Bashkimi Evropian nuk po i përgjigjet Kosovës për çështjen e të zhdukurve.

“Bashkësia ndërkombëtare mund të bëjë diçka, me deklaratën për personat e zhdukur që është miratuar këtë vit, Kosova dhe Serbia kanë arritur dakordimin lidhur me këtë çështje dhe kanë pasur ndërmjetësimin e BE dhe cilësohet si çështje me urgjencë. Presim që BE të ndërhyjë, është çështje shumë humane dhe presim që të ndërhyjë dhe të kushtëzojë Serbinë. Pasi nuk ka pasur presion të mjaftueshëm, ka lindur nevoja e deklaratës që parashikon një komision të përbashkët të udhëhequr nga Bashkimi Evropian, që do të thotë se BE po përfshihet drejtpërdrejtë në këtë çështje. Komisioni duhet të ishte ngritur, gjë që nuk ka ndodhur dhe nuk kemi asnjë përgjigje zyrtare nga BE pse s’ka ndodhur”, tha Hoti.

LEXONI GJITHASHTU:

• ‘’Serbia të njohë Kosovën për të hyrë në BE”, Gërvalla e Daçiç përplasen në Slloveni
• A vazhdon ta mbështesë bashkimin Kosovë-Shqipëri? Kurti intervistë për mediat greke