Emisari amerikan, Richard Grenell i është kundërpërgjigjur sërish kryeministrit të Kosovës, Albin Kurti.
Në një status të ri në X Grenell publikoi shkrimin e Euronews Albania ku hodhi poshtë deklaratat e kryeminsitrit të Kosovës duke thënë se Kurti ka qenë i sanksionuar nga administrata e parë Trump dhe deklaratat e tij janë deluzive dhe se marrëdhëniet Kosovë-SHBA nuk kanë qenë kurrë më të ulëta.
Kurti deklaroi dje përsëri se marrëdhëniet Kosovë-SHBA s’kanë qenë kurrë më të mira e për këtë reagoi përsëri Grenell.
“Deluzive. Marrëdhëniet nuk kanë qenë kurrë më të ulëta. Albin Kurti është dënuar nga administrata e parë e Trump, administrata e Bidenit, NATO, BE, Ambasada Amerikane, Anthony Blinken etj”, shkruan Grenell në X .
Kryeministri Kurti një ditë më parë iu kishte përgjigjur Grenellit duke thënë se marrëdhëniet me SHBA në janë më të forta se kurrë.
Kurti, i cili po kërkon një mandat të dytë, i është përgjigjur për herë të parë kritikave nga Richard Grenell, i dërguari i posaçëm i SHBA-së për Misionet, i cili së fundi e cilësoi liderin e Vetëvendosjes si një partner jo të besueshëm për Uashingtonin.
Në një intervistë për mediat kosovare, Kurti ka hedhur poshtë komentet e Grenellit, duke thënë se marrëdhënia e Kosovës me SHBA-në aktualisht është në nivelin më të mirë që nga fillimi i saj.
Ai gjithashtu e pozicionoi veten si një aktivist dhe jo si analist, duke sugjeruar se komentet e Grenell ishin interpretime mediatike dhe jo citate të drejtpërdrejta.
Delusional.
Relations have never been lower. Albin Kurti has been condemned by the first Trump Administration, the Biden Administration, NATO, the EU, the U.S. Embassy, Anthony Blinken, etc. https://t.co/jiqMrrk18d
— Richard Grenell (@RichardGrenell) February 7, 2025
LEXONI GJITHASHTU:
- Albin Kurti i përgjigjet Grenell: Marrëdhëniet me SHBA-në janë më të mira se kurrë
- Grenell sulmon ashpër Kurtin: S’është i besueshëm për SHBA-të, mos u mashtroni
