Mbikëqyrësi bërthamor i OKB-së (IAEA) thotë se termocentrali i madh bërthamor i Ukrainës Zaporizhia ka filluar të marrë energji nga rrjeti kombëtar sërish.

Bombardimet në zonë dëmtuan linjat e energjisë elektrike të lidhura me termocentralin.

Të gjashtë reaktorët e tij janë në një gjendje mbylljeje të ftohtë, por termocentrali ka nevojë për energji të jashtme për të ftohur reaktorët e tij dhe për t’u mbrojtur nga rreziku i një shkrirjeje, shkruan BBC.

IAEA thotë se situata e uzinës, e cila mbahet nga forcat ruse, është përmirësuar, por mbetet e pasigurt.

Rusia dhe Ukraina fajësuan njëra-tjetrën për bombardimin e objektit në Ukrainën juglindore.

Pas inspektimit të parë të IAEA, agjencia njoftoi se do të mbante një prani të përhershme për të monitoruar situatën.

Anëtarët e ekipit në vend të shtunën mësuan se një nga katër linjat kryesore të jashtme të energjisë të dëmtuara nga bombardimet ishte riparuar, duke lejuar marrjen e energjisë elektrike direkt nga rrjeti kombëtar, shkroi IAEA të shtunën në Twitter.

LEXONI GJITHASHTU:

• Miratohet rezoluta që i bën thirrje Rusisë të tërhiqet nga Zaporizhia
• Perimetër sigurie në Zaporizhia, shefi i OKB: Moska dhe Kievi të ndalojnë luftimet