Rikthimi i Bashkimit Sovjetik? Putin synon të pushtojë Bjellorusinë deri më 2030

Presidenti rus, Vladimir Putin, nis të zbulojë plane për të aneksuar territore të tjera përveç Ukrainës. Shefi i Kremlinit është shprehur se Rusia po lufton për tokat e saj “historike” në Ukrainë.

Këto deklarata, ai i bëri gjatë një tubimi patriotik të organizuar në Moskë, në mbështetje të ofensivës në Ukrainë. Synimi i radhes mesa duket është Moldavia dhe Bjellorusia.

Presidenti rus ka anuluar dekretin e vitit 2012, që mbështet pjesërisht sovranitetin e Moldavisë. Bëhet fjalë për rajonin separatist që gjendet në kufi me Ukrainën dhe ku Rusia ka trupa të saj.

Kremlini ka thënë se raportet e Rusisë me Moldavinë – shtet që javën e kaluar zgjodhi një qeveri të re pro-perëndimore që u zotua se do t’i bashkohet BE-së – janë shumë të tensionuara. Moska akuzon Moldavinë se po ndjek një agjendë anti-ruse.

Nga ana tjetër, Rusia planifikon ta aneksojë Bjellorusinë deri më 2030, kështu thuhet në një dokument që sipas mediave botërore ka dalë nga zyra e presidentit rus.

Sipas dokumentit, synimi përfundimtar është bashkimi i Rusisë me Bjellorusinë, jo më vonë se viti 2030.

Qëllimi përfundimtar, sipas mediave, është që të krijohet një “shtet i përbashkët” nën udhëheqjen ruse.

LEXONI GJITHASHTU

• Çfarë do ndodhë me Ukrainën? Ekspertët: Perspektiva e paqes, ende larg
• Brenda varrezës masive në Bucha, gazetari i Euronews: Masakër, 78 varre pa emër
•  Frikë nga përdorimi i armëve bërthamore nga Putin? Flet deputeti ukrainas