Rivali i Netanyahut ofron armëpushim politik për të ndihmuar pengjet në Gaza

Ish-ministri izraelit i mbrojtjes, Benny Gantz, i bëri thirrje të shtunën kryeministrit Benjamin Netanyahu të krijojë një qeveri uniteti së bashku me anëtarët e opozitës, në një përpjekje për të ndihmuar në lirimin e pengjeve të mbajtura në Gaza.

Qeveria e koalicionit e Netanyahut varet nga mbështetja e anëtarëve të ekstremit të djathtë që kundërshtojnë përfundimin e luftës dhe arritjen e çdo marrëveshjeje me grupin palestinez Hamas , sulmi i të cilit në tetor 2023 ndaj Izraelit shkaktoi luftën në Gaza.

Gantz, një rival i Netanyahut, i cili megjithatë iu bashkua qeverisë së tij në ditët e para të luftës, propozoi një koalicion të përkohshëm që do të anashkalonte partitë e ekstremit të djathtë dhe do të arrinte një marrëveshje për lirimin e pengjeve.

“Jam këtu në emër të pengjeve që nuk kanë zë. Jam këtu për ushtarët që po bërtasin dhe të cilët askush në këtë qeveri nuk po i dëgjon”, tha Gantz në një konferencë për shtyp të transmetuar në televizion.