Rizgjedhja e Von Der Leyen në krye të KE, reagon për herë të parë kryeminstri Rama

Kryeminstri Edi Rama ka reaguar përmes një postimi në platformën X, ku shpreh përgëzimet e tij ndaj rizgjedhjes së Ursula Von Der Leyen si presidente e Komisionit Europian.

Mes rreshtave Rama ka gjetur mundësinë për të sjellë në vëmendje qëndrimin dhe rolin e saj për vendet e Ballkanit Perëndimor, sidomos për vendin tonë. Ku sipas kryeministrit, së shpejti do të nis punën për të mundësuar integrimin e Shqipërisë në Bashkimin europian.

Deklarata e Plotë:

“Vota e Parlamentit Evropian për rizgjedhjen e Ursula Von Der Leyen është një deklaratë e fuqishme që shënon fillimin e një kapitulli të ri në qeverisjen e Bashkimit me një hyrje rigjallëruese. Shqipëria e mirëpret këtë deklaratë me shpresë të përtërirë dhe besim të plotë te lidershipi i Ursulës. Ne përgëzojmë qëndrimin e saj të qartë për Ballkanin Perëndimor në fjalimin e saj sot në Parlamentin Evropian. Mezi pres të vazhdoj punën me Presidenten e Komisionit për ta futur Shqipërinë në BE dhe për të integruar më tej BE-në me Ballkanin Perëndimor.”

LEXONI GJITHASHTU:

• Von der Leyen siguron votat në PE, zgjidhet Presidente e Komisionit Evropian
• Von der Leyen paralajmëron se do ketë prioritet zgjerimin, në mandatin e dytë