RMV| Musliu: Me votat e opozitës shqiptare, Bujar Osmani do ishte në raundin e dytë

Analisti Albert Musliu është shprehur se nëse do të bashkoheshin edhe votat e opozitës shqiptare, Bujar Osmani do të ishte në raundin e dytë në garën për president të Maqedonisë së Veriut.

Komentet Musliu i bëri në një lidhje për Euronews Albania, ku tha se rezultati i arritur nga Osmani në raundin e parë, ishte i përafërt me rezultatin që mori kandidati i LSDM-së.

Ai tha gjithashtu se shqiptarët në RMV duhet të bashkëpunonin me LSDM (partinë që bashkëqeverisin), në mënyrë që kandidati i VMRO-DPMNE për president të mos merrte këtë rezultat pozitiv në raundin e parë, pasi sipas tij, është kundër interesave të shqiptarëve atje.

“Edhe pse ka disa tendenca te blloku shqiptar që të relativizohet rezultati që arriti Bujar Osmani, që ishte një rezultat i përafërt edhe me kandidatin e LSDM-së që kaloi në raundin e dytë, gjithë ajo narrativë që ishte para zgjedhjeve se pamundësohet hyrja e shqiptarëve në raundin e dytë, doli huq.

Sepse po t’i kishte edhe votat e opozitës Bujar Osmani, do të ishte në raundin e dytë. Zgjedhjet janë modeli i numrave. Osmani kishte më shumë vota se Taravari. Blloku politik maqedonas udhëheq me dyfishin e votave një kandidat që definitivisht nuk është në linjë me interesat e shqiptarëve.

Ka probleme me ndryshimet kushtetuese, etj. Shqiptarët duhet të bënin një formë balance edhe me palën tjetër, me të cilën bashkëqeverisim”, tha Musliu.

LEXONI GJITHASHTU:

• Zgjedhjet në RMV/ Bujar Osmani shpall fitoren përballë kandidatit të VLEN
• Bujar Osmani: Ambiciet imperialiste të Rusisë mund të shtrihen në Ballkan