Senati amerikan miratoi të enjten kandidaturën e Robert F. Kennedy Jr. një kritik i vaksinave për postin e Sekretarit të Shëndetësisë dhe Shërbimeve Njerëzore.

Ai mori 52 vota pro dhe 48 kundër. Senatori Mitch McConnell nga Kentaki ishte republikani e vetëm që votoi kundër tij, duke bashkuar votat me 47 demokratët që kundërshtuan kandidaturën e Kenedy. Ky i fundit është zotuar se do të mbroj programet ekzistuese të vaksinimit teksa bëri përpjekje për të siguruar votat e senatorëve hezitues.

Tashmë ai pritet të mbikëqyrë shumë agjenci të profilit të lartë, përfshirë Qendrat për Kontrollin dhe Parandalimin e Sëmundjeve (CDC). Pasi Kennedy të bëjë betimin të enjten, Presidenti Trump do të nënshkruajë një urdhër ekzekutiv për të krijuar një komision të quajtur MAHA, emërtuar në bazë të sloganit “Ta bëjmë Amerikën të shëndetshme sërish”. (Make America Healthy Again).

Kennedy, 71 vjeç, me profesion avokat mbi çështjet mjedisore prej kohësh ka mbjellë dyshime për sigurinë dhe efikasitetin e vaksinave që kanë ndihmuar në frenimin e sëmundjeve dhe kanë parandaluar miliona vdekje për dekada.

Ai tani do të drejtojë departament qeveritar që ka buxhet prej mbi 3 trilion dollarësh. Gjithashtu nën kompetencën e Departamentit të Shëndetësisë janë dhe programet ‘Medicare’ dhe ‘Medicaid’ që ofrojnë sigurim shëndetësor për mbi 140 milionë amerikanë dhe Instituti Kombëtar i Shëndetësisë.

LEXONI GJITHASHTU:

• FBI: Kemi gjetur 2400 dosje të reja që lidhen me vrasjen e Presidentit Kennedy
• Çfarë dihet nga dosjet e Kennedy-t dhe Luther King-ut, pse Trump urdhëroi publikimin