Roland Qafoku: Çfarë na turpëron në 110 vite pavarësi

Analisti Roland Qafoku thotë se në historinë e shtetit shqiptar në 110 vite të Pavarësisë, ka ngjarje të cilët na turpërojnë si komb.

Në një intervistë për Euronews Albania, Qafoku përmendi 46 vitet në komunizëm, apo dhe ekzekutimet e politikanëve shqiptarë në vitet 20′, si ngjarjet më turpëruese në 110 vite.

“46 vitet e komunizmit, ne duhet të turpërohemi. Ne duhet të ndihemi të turpëruar që paraardhësit tanë e lejuan që të bëheshe ai komunizëm. Enver Hoxha nuk është qëlluar as me një gur, as me llastiqe, e jo më t’i bëhet një atentat. Paraardhësit tanë, gjyshërit tanë, ata në një farë mënyre mund t’i quajmë edhe përgjegjës. Edhe pse ata u viktimizuan, u dënuan një pjesë e tyre, u vranë, u ekzekutuan dhe ishte një terror i jashtëzakonshëm. Por një popull ka një ndërgjegje të lartë kombëtare, arrin të mposhtë edhe diktaturën.

Këto ishin njollat. 1914-a, lëvizja e Haxhi Qamilit që kërkonte kthimin e Sulltanit. Kemi në vitet 20′, një tallaz dhe paqëndrueshmëri të politikës shqiptare, ekzekutime të politikanëve të nivelit të lartë, është turp në historinë e shtetit shqiptar. Kemi një pjesë të politikanëve shqiptarë që bashkëpunuan me Italinë fashiste, menjëherë sapo na pushtoi ushtria italiane. Dhe 46 vite të komunizmit. Këto janë turpet e 110 viteve”, theksoi ai.

LEXONI GJITHASHTU

• Pavarësia, qytetarët mbushin sheshet: Politikanët s’i kanë punët mirë
• Gazetari tatuazh për Dua Lipën: Këngët e saj kanë qenë terapi për mua
• Bora ‘fton’ turistët, në Dardhë dhe Voskopojë qindra qytetarë për të shijuar festat