Ronaldo i thur elozhe Al Nassr: Më vjen keq që nuk erdha më parë

Ronaldo është padyshim lojtari më me influencë në botë ne futbollit e këtë e tregtoi në kalimin e bërë drejt Arabisë Saudite.

Pas ikjes së tij, një numër i madh futbollistësh braktisën Evropën, duke kaluar në ekipe si Al Nassr, Al Shabab apo Al Hilal. Vetë portugezi po kalon një superformë, ndërsa ndihet i lumtur për vendimin e marrë muaj më parë.

“Jam shumë i lumtur që luaj për Al Nasr dhe mezi pres të vazhdoj të luaj për këtë klub të madh. Më vjen shumë keq që nuk kam ardhur më herët, por tani jam këtu dhe do të mundohem ta ndihmoj skuadrën të arrijë suksese”, tha Ronaldo.

Ronaldo udhëheq listën e golashënuesve në kampionatin arab, ku ka gjetur 16 herë rrugë ne rrjetës, ndërsa numëron 8 asiste.

Ai është kthyer në liderin e padiskutueshëm të skuadrës, ndërsa është gjithashtu më i paguari. Kujtojmë se 38-vjeçari u transferua nga Manchester United drejt Al Nassr, ndërsa interesi ndaj tij qe i lartë, madje dhe nga ekipi i fëmijërisë, Sporting Lisbon. Që prej nënshkrimit me Al Nassr është përfshirë në mbi 40 gola.

LEXONI GJITHASHTU:

• 1200 ndeshje në karrierë, Ronaldo vendos një tjetër rekord
• Cristiano Ronaldo përballet me një padi prej 1 mld dollarësh për reklamat e kriptove