Ronaldo shënon dy gola me Portugalinë, vendos rekord të ri personal

Kristiano Ronaldo ishte një ndër më të mirët në fushë në ndeshjen që Portugalia fitoi ndaj Armenisë. 40-vjecari shënoi dopietë, ndërsa në karrierën e tij ka realizuar 38 gola në kualifikueset e një kupe bote.

40-vjecar, por tashmë dihet që mosha është vecse një numër për CR7 i cili po dhuron paraqitje të jashtëzakonshme me Al Nassr, por dhe me kombëtaren portugeze, me të cilën gjeti golin. Sulmuesi luzitan realizoi një dopietë në fitoren që përfaqësuesja e tij mori përballë Armenisë, sfidë e cila u mbyll në shifrat 5-0. Ronaldo krahas këtij dy golëshi vendos dhe një rekord, duke u bërë i vetmi futbollist evropian që realizon kaq shumë gola në këtë fazë të kompeticionit, konkretisht në fushatën kualifikuese.

Ai madje ka lënë pas rivalin e tij më të madh, Lionel Messi që numëron 36 realizime me albicelestët, madje duke shkëlqyer në atë që cilësohet sfida e tij e fundit me Argjentinën në shtëpi. Sa i përket kësaj statistike, lojtari që ka shënuar më tepër në kualifikueset e kupës së botës është Carlos Ruiz me 39 gola, por asnjëherë nuk ka luajtur finalet e kompeticionit.

Ronaldo ka shansin për ta thyer rekordin e tij, duke u vendosur në krye, pasi Portugalia ka ende përballje deri në kupën e botës, teksa ajo ndaj Armenisë ishte e para për këtë edicion.

LEXONI GJITHASHTU:

• Ronaldo në qendër të kritikave pas një përplasjeje me një tifoz në Armeni
• Zbulohet kontrata martesore e Ronaldos me Giorginën nëse divorcohen