Rreth 100 mijë ukrainas strehohen në Poloni

Rreth 100 mijë ukrainas kanë kaluar tashmë në Poloni që nga fillimi i bombardimeve në Ukrainë, thotë agjencia e Gardës Kufitare të Polonisë.

“Lëvizja e refugjatëve po rritet”, tha zëdhënësja Anna Michalska.

Qeveria në Poloni është zotuar të pranojë këdo që i shpëton luftës në Ukrainë dhe t’u japë strehim të përkohshëm atyre që nuk kanë ku të shkojnë.

Polonia po i lejon njerëzit të kalojnë kufirin në këmbë në të tetë pikat e saj të kalimit kufitar. Më herët këmbësorët lejoheshin të kalonin vetëm në një pikë në Medyka.