Rreth 1600 demokratë nga qarku i Korçës dhe 200 automjete nga Vlora për protestën

Rreth 1600 protestues të qarkut të Korçës do i bashkohen protestës së sotme të thirrur nga kryetari i Partisë Demokratike, Sali Berisha.

Sipas informacioneve të marra nga kryetarët e degëve të PD-së në qark në lidhje me organizimin dhe nisjen e protestuesve nga rrethet, nga Korça do të nisen mbi 400 protestues, të cilët do të jenë të organizuar në 4 autobusë dhe makina private.

Nga dega e PD-së së Devollit janë rreth 400 persona të cilët janë të organizuar me furgona dhe makina private.

Nga dega e PD Maliq janë të konfirmuar 350 persona që do marrin pjesë në protestë dhe nisja do të behet me makina private. Rreth 400 protestues do të jenë nga Pogradeci, ku organizimi është bërë me makina të vogla.

Gjthashtu, 30 persona nga PD Kolonjë, janë organizuar me mjete të vogla.

Ndërsa, nga dega e PdDVlorë, nisja drejt protestës do të bëhet me makina private. Rreth 200 makina do të nisen sot deri në orët e mesditës, teska rreth 800 protestues nga Vlora do t’i bashkohen protestës në Tiranë.

LEXONI GJITHASHTU

• Blindohen dyert e Kryeministrisë pak orë para protestës
• Sot opozita në protestë, Berisha nuk përjashton asnjë skenar
• ‘Mjerë kush prek protestuesit’, thirrja e Berishës për policinë