Rreth 50,000 njerëz u larguan nga Rafah në 48 orët e fundit

Rreth 50,000 njerëz janë larguar nga qyteti jugor i Gazës, Rafah, në 48 orët e fundit si rezultat i urdhrit të evakuimit të Izraelit.

Kjo shifër u bë e ditur për CNN nga një punonjës i lartë në agjencinë e OKB-së për refugjatët palestinezë (UNRWA).

“Ne gjurmuam afërsisht 50,000 njerëz që niseshin nga Rafah në 48 orët e fundit. Ne i kemi parë ata të shkojnë në Khan Younis, disa kanë shkuar në zonën e zgjeruar humanitare të Al-Mawasi, të tjerët kanë shkuar në Deir al-Balah, “tha zëvendësdrejtori i lartë i çështjeve të UNRWA në Gaza, Scott Anderson, për CNN.

Banorët e Gazës filluan të largoheshin nga Rafahu lindor të hënën, pasi ushtria izraelite urdhëroi banorët atje që të evakuoheshin menjëherë, ndërsa kryen një operacion ushtarak në qytet.

“Ne mendojmë si OKB se njerëzit duhet të zgjedhin se ku duan të shkojnë dhe ne do t’u ofrojmë ndihmë kudo që ata vendosin të kërkojnë strehim me familjet e tyre,” tha ai.

Gjithashtu se njerëzit që iknin në Khan Younis do të arrinin në një zonë të shkatërruar nga lufta. Ai theksoi se mbërritja e më shumë ndihmave humanitare ishte një shqetësim kryesor për agjencinë e tij.

LEXONI GJITHASHTU: 

• Policia e Kosovës, EULEX-i dhe KFOR-i përfundojnë stërvitjen “Shpata e Artë 2024”
• Do përdoret për dërgimin e ndihmave, ushtria amerikane ndërton portin në Gaza