Nga dega e PD së Korçës pritet të nisen rreth 580 persona për tu bashkuar me protestën që Partia Demokratike do të mbajë sot para Kryeministrisë. Veç anëtarëve dhe simpatizantëve të PD, protestës do t’i bashkohen edhe dhjetëra qytetarë.

Kryetari i PD së Korçës, Devis Osmani bëri të ditur se për organizimin e protestës janë angazhuar të gjitha strukturat e degës se PD në qytetin e Korçës dhe njësitë administrative të kësaj bashkie si dhe forumi i gruas dhe i të rinjve.

Protestuesit do të udhëtojnë drejt Tiranës me mjete private dhe do të nisen pas mesditës së kësaj të enjte.

Sipas kreut të PD lokale, ndryshe nga protestat e tjera, këtë herë udhëtimi nuk do të bëhet me autobusë por me mjete private, për shkak se shoqëritë e transporteve janë vënë nën presion për penalitete deri në heqje licence, nëse do të transportojnë protestues ditën e tubimit të thirrur nga PD.

LEXONI GJITHASHTU:

• Bumçi: Nuk kemi për qëllim të hyjmë në Kryeministri, PD i del zot protestës
• Opozita sot në protestë, Sali Berisha nuk përjashton asnjë skenar