“Rrezik për Jetën”, Puckett: Mbetjet në portin e Durrësit përbërje kancerogjene

Drejtori ekzekutiv i Rrjetit të Baselit, Jim Puckett, rrjeti që ngriti alarmin për transportin e mbetjeve të rrezikshme nga Porti i Durrësit tha në emisionin Review në Euronews Albania se nuk janë kontaktuar nga prokuroria si personat e parë që denoncuan këtë rast.

Ai u shpreh se nga investigimi dhe analizat që kanë bërë ata janë të sigurt se bëhet fjalë për mbetje të rrezikshme që përmbajnë substanca kancerogjene të rrezikshme për jetën.

“Ne presim që prokuroria të na kontaktonte, pasi ishim të parët që e denoncuam këtë gjë pas analizave të bëra pasin mendojmë se është e rrezikshme dhe se mbetje të tilla janë gjeneruar në sasi të mëdha dhe kjo është vetëm maja e ajsbergut. Shpresojmë që kampionët të hapen në sytë e publikut në mënyrë që ata të kenë besim se askush nuk po manipulon me përmbajtjen e këtyre kontejnerëve, pasi kjo çështje po politizohet. Ne mendojmë se janë të rrezikshme, se është shumë e zakonshme që mbetje të tilla janë të rrezikshme, nëse është mbetje çeliku në formë pluhur është patjetër e rrezikshme, ka lëndë kancerogjene, ndaj ka rëndësi që procedura të jetë transparente”, tha ai.

LEXONI GJITHASHTU:

• Gazetari Hoxhaj përplaset me inxhinierin: A janë mbetjet të Shqipërisë apo jo?!
• Çfarë rreziku fshihet pas mbetjeve në port? Puccket: Testimet do zbulojnë gjithçka!