Rriten bursat evropiane, përmirësohen treguesit pas së “hënës së zezë”

Tregjet financiare evropiane u hapën me rritje të martën e 8 prillit, pas katër ditë humbje që tronditën investitorët në të gjithë globin.

Deri në orën 09 e 11, treguesi në nivel evropian i institucionit financiar “Stoxx 600” ishte 1 për qind më i lartë për çdo sektor, duke shënuar kështu kthimin në territoret pozitive.

Ndërsa në nivel shtetëror, bursa gjermane u rrit me 1.09 për qind, ajo franceze me 1.66, italiania 1.66 dhe spanjollja me 0.52 për qind. Edhe bursa e Londrës regjistroi 1.03 për qind rritje.

Rikthimi i qetësisë në tregjet evropiane vjen pas një dite të karakterizuar nga paqëndrueshmëria, edhe pse investitorët mbeten ende të pasigurt për shkak të tarifave globale të vendosura nga Trump dhe lëvizja e ardhshme e tij.

Ndërkohë, në Azi, Ministria kineze e Tregtisë njoftoi të martën, me orën lokale, se do të luftojë deri në fund dhe do të marrë kundërmasa ndaj Shteteve të Bashkuara për të ruajtur interesat e saj, pasi presidenti Trump kërcënoi 50 për qind tarifa shtesë për importet kineze.

Në Japoni, bursa e Tokios u rrit me 5 për qind. Edhe ajo e Hong Kongut u rrit, por jo aq sa duhet pas rënies në pikiatë prej 13.2 për qind që u verifikua të hënën.

Institucioni financiar “Hang Seng” fitoi 1.6 pikë përqindjeje, ndërsa bursa e Shangait 0.9. Në Korenë e Jugut rritja ka qenë më shumë sesa modeste, 0.1 për qind.

Edhe në Australi e Zelandën e Re, tregjet njohën gjithashtu rritje.

LEXONI GJITHASHTU:

• Tarifat e Trump godasin rëndë tregjet në Azi, shënojnë rënien më të madhe në dekada
• Bursat “derdhin gjak”, efektet e tarifave amerikane: Rënie në SHBA, Evropë e Azi
• Tarifat e Trump, tregjet e aksioneve në Azi përjetojnë rënie të madhe