Rriten çmimet e banesave në Vlorë, ekspertët: Shkak janë investimet e mëdha

“Me rrogat aktuale të blesh një shtëpi sot në Vlorë duket se është thuajse e pamundur, sipas agjentëve imobiliar çmimet janë rritur ndërsa trendi është se ato do të vijojnë ende të rriten”.

Ekspertët pohojnë se vetëm gjatë këtij viti çmimet e apartamenteve janë rritur me 30%. Ata argumentojnë se kjo vjen si pasojë e investimeve të mëdha që po bëhen si projekti i portit dhe  i aeroportit të Vlorës.

Paralel me çmimet në rritje ka ardhur edhe kërkesa për të blerë pasuri të paluajtshme, ku shumica e blerësve janë  të huaj ose emigrant, të cilët zgjedhin Vlorën për një banesë të dytë.

Ekspertët e agjencive imobiliare parashikojnë se trendi i rritje së çmimeve të vijojë. Ata pohojnë se çmimet e ndërtimeve të reja në Vlorë aktualisht variojnë nga 1000- 2200 euro metri katror.

Zona më e preferuar mbetet ajo e Lungo Mares, ku një apartament varion minimalisht  1400-1500 euro metri katror dhe në qoftë se flasim për vijën  parë , që është pamja nga deti shkon deri në 2000 mijë euro metri katror.

Shtetet më të mëdha blerëse janë Polonia, vende të Gjermanisë, por nuk mungojnë blerësit nga Amerika, Kandaja dhe padyshim Italia.

LEXONI GJITHASHTU:

• Fluksi në Kakavijë, pala shqiptare kërkon shpejtim të procedurave nga policia greke
• Qeveria propozon ligjin për sigurimin e detyrueshëm të shtëpive nga tërmetet