Fluksi në Kakavijë, pala shqiptare kërkon shpejtim të procedurave nga policia greke

Gjatë ditës së hënë në doganën e Kakavijës është regjistruar një fluks i lartë i emigrantëve që kthehen nga Greqia për të kaluar pushimet në vendlindje.

Gjatë 24 orëve të fundit nëpërmjet kësaj dogane kanë hyrë në Shqipëri rreth 7 mijë persona.

Si shkak i fluksit të rënduar gjatë mesditës të së hënës ka patur radhë pritje në tokën greke ndërsa në momente të caktuara radha e pritjes së automjeteve në hyrje të doganës greke ka shkuar në disa kilometra.

Në këtë situatë përfaqësues të Policisë Kufitare në Gjirokastër kanë kërkuar nga pala greke shtimin e sporteleve dhe përshpejtimin e procedurave për përpunimin e dokumenteve.

Aktualisht pala greke ka shtuar numrin e sporteleve duke punuar me 3 sportele në hyrje dhe 3 të tillë në dalje të tokës greke.

LEXONI GJITHASHTU:

• Radhë e gjatë në Qafë Thanë/ Qytetarët: E padrejtë, presim më shumë se 1 orë në kufi
• Partia e Lirisë kërkon dorëheqjen e Niko Peleshit: Të sqarohet para drejtësisë