Rriten tensionet mes BE-së dhe Hungarisë, shkak lehtësimet e vizave për rusët

Tensionet midis BE-së dhe Hungarisë janë intensifikuar lidhur me lëvizjen e supozuar të Budapestit për të lehtësuar kufizimet e vizave Shengen për qytetarët rusë.

Mosmarrëveshja vjen pas vizitës së diskutueshme të kryeministrit hungarez Viktor Orban në Moskë, menjëherë pasi Hungaria mori presidencën e BE-së, duke acaruar më tej marrëdhëniet tashmë të tensionuara mes Bashkimit Europian dhe Hungarisë.

Komisionerja e BE-së për Punët e Brendshme, Ylva Johansson, kishte kërkuar shpjegim nga Hungaria në lidhje me programin “Karta Kombëtare”, e cila thuhet se u mundëson qytetarëve rusë dhe bjellorusë udhëtime më të lehta brenda BE-së.

Çështja pritet të jetë një temë kyçe në takimin e ardhshëm të ministrave të jashtëm të BE-së në Bruksel më 28 gusht, i cili është zhvendosur nga Hungaria mes tensioneve të vazhdueshme.

Kwshtu Hungaria largohet nga tradita e mbajtjes së takimeve jozyrtare në kryeqytetin e vendit që mban presidencën e BE-së.

LEXONI GJITHASHTU:

• “Hungaria po rrezikon BE”- Brukseli kërkon ndalimin e vizave për rusët
• Hungaria merr Presidencën e BE, Spiropali uron homologun hungarez Kövér