Rritet ndjeshëm bitcoin, niveli më i lartë për këtë vit

Monedha virtuale bitcoin ka kaluar shifrën e 41 mijë dollarëve. Rritja e fundit e ka çuar kapitalin total të tregut të kriptove në 1.54 trilion dollarë, niveli më i lartë i arritur këtë vit.

Bitcoin shënoi rritje të vlerës së saj duke arritur në mbi 41 mijë dollarë për herë të parë në 20 muaj. Çmimi i kriptomonedhës më të madhe në botë regjistroi një rritje ditore 5.7% duke arritur deri në 41.700 dollarë, niveli më i lartë që nga muaji maj 2022.

Edhe tregu i kriptovalutave po dëshmon performancën më të mirë me rritje 3.8% në baza ditore ose 1,54 trilionë dollarë.

Të dhënat i transmeton faqja e internetit që vlerëson çmimet e aseteve dixhitale, CoinMarketCap.

Për ekspertët, besimi në rritje në tregun e kriptove është ushqyer nga pritshmëritë për uljen e normave të interesit nga Rezerva Federale e SHBA në vitin 2024, ku që nga fillimi i vitit rritja vlerësohet në 140%.

Komisioni Amerikan i Letrave me Vlerë dhe Shkëmbim pritet të miratojë ETF-të për investime në Bitcoin, gjë që po rrisë interesin e investitorëve profesionistë për kriptomonedhën.

LEXONI GJITHASHTU:

• Drogë dhe pajisje për Bitcoin në një lokal në Durrës, arrestohet 32-vjeçari
• Kriptomonedhat në ditë të vështira, por Bitcoin mbetet nën 20 mijë dollarët