Të paktën 37,431 njerëz janë vrarë dhe 85,653 janë plagosur në sulmet ushtarake izraelite në Gaza që nga 7 tetori, thotë Ministria e Shëndetësisë e enklavës.
Nga këta, 35 palestinezë u vranë dhe 130 u plagosën në periudhën e raportimit 24-orësh të fundit, shtoi ministria.
Sipas Al Jazeera ushtria izraelite ka kryer një sërë sulmesh vdekjeprurëse në qendër të Gazës, duke përfshirë në Nuseirat dhe Deir el-Balah.
Tanket izraelite janë futur më thellë në pesë lagje të Rafahut perëndimor, duke qëlluar me predha në tendat e njerëzve të zhvendosur.
Forcat izraelite kanë arrestuar 20 persona në bastisjet në të gjithë Bregun Perëndimor të pushtuar, duke përfshirë një ligjvënës 77-vjeçar të liruar nga paraburgimi vetëm disa ditë më parë.
Protestuesit antiqeveritar izraelitë, përfshirë të afërmit e robërve, kanë bllokuar autostradat kryesore teksa bëjnë thirrje për përmbysjen e Netanyahut.
Mund të ketë deri në 50 robër ende gjallë në Gaza, raportojnë mediat amerikane, duke cituar një zyrtar amerikan dhe ndërmjetës për lirimin e robërve.
LEXONI GJITHASHTU:
- “Çmenduri ajo që po ndodh në Gaza”, eksperti: Shumë më tepër viktima se në Ukrainë
- “Gjenocidi në Gaza, më i pashembullti në histori”, eksperti: U hodh bomba 2000 kg…
- Laçi: Pashë me sytë e mi fëmijën që iu drejtua arma në kokë! Ai buzëqeshi dhe…
