Rritet numri i vizitave dentare në verë, specialistët: Mos i neglizhoni dhëmbët e qumështit

Stina e verës ul vigjilencën për kujdesin oral, veçanërisht tek fëmijët. Këtë e konfirmojnë edhe specialistët, të cilët thonë se gjatë kësaj periudhe rritet numri i vizitave stomatologjike në sistemin publik.

Belisa Pilafi Kaleci, drejtuese e Klinikës Stomatologjike Universitare, bën me dije se një nga dilemat më të shpeshta të prindërve mbetet trajtimi i dhëmbëve të qumështit.

Dhembë qumështi i shëndetshëm do të thotë dhëmbë të përhershëm të shëndetshëm. Absolutisht duhet të mbushen dhe ata dhe të trajtohen në kohë”, thotë Belisa Pilafi Kaleci, drejtuese e Klinikës Stomatologjike Universitare.

Sipas stomatologëve, vera sjell edhe një tjetër problematikë, rritjen e traumave dentare tek fëmijët si pasojë e rrëzimeve. Në këto raste, prindërit duhet të dinë si të reagojnë menjëherë.

Për një shëndet oral të mirë, specialistët këshillojnë larjen e dhëmbëve dy herë në ditë dhe kontrolle periodike të paktën dy herë në vit, për të identifikuar në kohë problematikat dhe për të parandaluar komplikacionet.