Rritet numri i vizitorëve të huaj në shtator, dominojnë europianët

Shqipëria vijon të presë turistë edhe gjatë vjeshtës, duke shënuar një rritje të ndjeshme në numrin e vizitorëve.

Gjatë muajit shtator, vendin tonë e vizituan mbi 1 milion shtetas të huaj, ndërsa për 9 muajt e parë të vitit, numri i vizitorëve arriti në 9.7 milionë.

Në shtator, Shqipëria mirëpriti 1.8 milionë shtetas shqiptarë dhe të huaj, duke shënuar një rritje prej 9% në krahasim me të njëjtin muaj të vitit të kaluar.

Nga ky numër, 1.15 milion njerëz ishin të huaj, të cilët kryesisht vizituan vendin për qëllime turizmi, ndihmuar nga temperaturat e ngrohta dhe ditët me diell.

Të dhënat tregojnë se për 9 muajt e parë të vitit, Shqipëria ka pritur 9.7 milion vizitorë, që përfaqëson një rritje prej 17% në krahasim me vitin 2023. Qeveria pret që viti të mbyllet me 13 milionë hyrje.

Sipas statistikave të shtatorit, 95% e hyrjeve të shtetasve të huaj vijnë nga rajoni i Europës, ndjekur nga Amerika dhe Azia Lindore.

Më shumë se 1 milion vizitorë deklaruan se motivi i hyrjes në Shqipëri ishte pushimi, 47 mijë kaluan tranzit për në një shtet tjetër, ndërsa 18 mijë të tjerë erdhën me qëllime biznesi.

LEXONI GJITHASHTU:

• Venecia do dyfishojë ditët kur turistët do futen me pagesë në qytet
• Shkodër, gjendet e pajetë në hotel turistja nga Malajzia, dyshimet e para