Rritja e çmimit të patentave, drejtuesit e atoshkollova në Tiranë bojkotojnë punën

Drejtuesit e autoshkollave kanë nisur sot bojkotin një javor. Ata kërkojnë plotësimin e kërkesave, në të kundërt paralajmërojnë protestë kombëtare.

260 autoshkolla në rang kombëtar ditën e sotme kanë bojkotuar punën në terrën me praktikën si shenjë proteste ndaj autoriteteve të transportit rrugor për shkak të ndyshimeve të fundit. Kohëzgjatja e pajisjes me leje drejtim, si dhe  shtrenjtimi vetëm i kartonit jane disa nga motivet se përse shoqata e autoshkollave ka shkuar në bojkot.

Në bazë të ndryshimeve, Shoqata e Autoshkollave të Shqipërisë pretendon se janë shkelur të gjitha të drejtat e tyre dhe nuk po zbatohet Kodi Rrugor, nuk po zbatohen VKM-të, sikurse edhe marrëveshjet e kryera ndër vite me Ministrinë e Infrastrukturës”,

Shoqata pretendon se ka pasur mënjanim dhe mosinformim në kohën e duhur si grup interesi  për vendimet e marra.

Formalizimi, pagesa në banka të nivelit të dytë dhe evitimi I kryqit të kuq si kohë e çuar dëm janë disa nga pikat e parashtruara sot.

Kujtojmë se rreth një vit më parë, autoshkollat ishin dakord për një rritje të tarifave për lejen e drejtimit, por për shkak të polemikave që pati tek qytetarët, kjo rritje tarife u anulua. Autoshkollat shprehen se duhet të ketë një rishikim pasi kostot e tyre janë të larta.

Autoshkollat i kanë dhënë kohë deri të premten drejtorisë së transporteve që të ulen në tryezën e diskutimeve, në të kundërt të shtunën ata paralajmëruan protestë.

LEXONI GJITHASHTU: 

• Protesta e opozitës, Policia “blindon” Parlamentin me furgonë dhe makina ujëhedhëse
• Policia e Kosovës nis hetimet për posterat me Radoiçiç në Veri