Presidenti i MRB-së, Dimitris Mavros komentoi rritjen e pëlqyeshmërisë për kryeministrin Edi Rama në sondazhet e Barometrit në Euronews Albania.
Ai u shpreh se në impaktin pozitiv të qytetarëve ka ndikuar fakti që Rama po e luan lojën i vetëm dhe përballë nuk ka një opozitë të fortë për ta luftuar.
“Zoti Rama po e luan këtë lojë i vetëm, nuk ka kundërshtarë, nuk ka konkurrentë dhe pasi u largua nga skandali dhe problemi me SHBA-në për çështjen McGonigal në shkurt, tani nëse shikon një parti opozitare të ndarë në dysh, pa liderë specifikë dhe pa kandidatë specifikë, sërish ai rikthehet në kuotat e tij të mëparshme dhe po luan i vetëm, prandaj kemi këto lloj shifrash,” – u shpreh Mavros.
Ai kujtoi se bëhet fjalë për po të njëjtën “lojë” edhe të vitit 2021 gjatë zgjedhjeve të përgjithshme ku përsëri kryeministri po luante i vetëm. Sipas Mavros, po t’i shikosh të dhënat, konkluzioni është përsëri i njëjti.
LEXONI GJITHASHTU:
- Kush mund të jetë pasues i Ramës? Përgjigjet presidenti i MRB, Dimitris Mavros
- Rama: Dick Marty-t, kurth rus, uroj që Zelensky të mos ketë të njëjtin fat si Thaçi
