Rritja ekonomike 2.7%, PBB udhëhiqet nga tregu i pronave

Rritja ekonomike në tremujorin e parë të vitit 2023 arriti në 2,7%.

Shifrat tregon se ky është ritmi më i ulët i rritjes, që nga tremujori i tretë i vitit 2020, kur vendi po vuante pasojat e pandemisë.

Nga ana tjetër, konsumi final i popullatës ka shënuar rritje me 2.15% E ndarë në sektorë, duket se ekonominë e kanë mbajtur në këmbë pasuritë e paluajtshme. Ky treg regjistron kontributin më të lartë në rritjen e Prodhimit të Brendshëm Bruto, me 0.62 pikë përqindje.

Zëri i dytë me kontributin më të lartë janë “argëtimi dhe aktivitetet e shërbimit” me 0.6 pikë përqindje, ndjekur nga “arsimi dhe shëndetësia” me 0.5 pikë përqindje. Degët, që kanë dhënë kontributin më të vogël në rritjen e përgjithshme të prodhimit është bujqësia, si dhe aktivitetet profesionale të administrimit.

Sa i përket ndryshimeve në krahasim me tremujorin paraardhës, treguesi i Produktit të Brendshëm Bruto i përshtatur sezonalisht vlerësohet me një rritje prej 1,4%.

Ritmet e rritjes së ekonomisë në këto nivele, reflektojnë pasojat që po sjell emigracioni i lartë që ka prekur konsumin dhe rritja e çmimeve.

LEXONI GJITHASHTU:

• Zhvillimi ekonomik nuk duhet të jetë peng i nacionalizmit, thotë eksperti
• Kosova në Këshillin e Sigurisë të OKB, raporti: Paqja dhe zhvillimi ekonomik varen nga dialogu me Serbinë