Rumania do të dërgojë forca shtesë për t’i ardhur në ndihmë KFOR 

Rumania do të dërgojnë forca shtesë për t’i ardhur në ndihmë KFOR në Kosovë, tha ambasadori rumun në NATO, Dan Neculaescu.

“Pas vendimit të fundit të NATO-s, Rumania do të dërgojë një kontigjent shtesë në KFOR. Forcat tona do të kontribuojnë më tej për një mjedis të sigurt në Ballkanin Perëndimor,” shkroi Neculaescu në rrjetin social ‘X’.

Sipas tij, Deti i Zi dhe Ballkani Perëndimor janë të një rëndësie strategjike, ndaj NATO duhet të “mbajë një fokus të fortë në këto rajone”.

Britania njoftoi javën e kaluar se do të vendoste rreth 600 trupa për të përforcuar KFOR-in.

Vendimi i NATO-s për dërgimin e trupave shtesë në Kosovë pasoi ngjarjet në Banjskë më 24 shtator, kur një polic në Kosovë dhe tre sulmues serbë mbetën të vrarë.

LEXONI GJITHASHTU: 

• Vendet e BE bien dakord për rregulla të reja menaxhimin e krizave të migracionit
• Pr.ligj i ri për turizmin: Luftë informalitetit, gjoba për “fshehjen” e vizitorëve