Rusët që luftojnë për Ukrainën thirrje Wagner: Merrni hak, kaloni në anën tonë

Një grup militantësh rusë që luftojnë në krah të Ukrainës u bënë thirrje mercenarëve të Grupit Wagner që të ndërrojnë anën dhe t’i bashkohen radhëve të tyre pas rrëzimit të avionit të së mërkurës.

Përmes një thirrje publike grupi i rusëve që i është bashkuar luftimeve në krah të Ukrainës u ka bërë thirrje mercenarëve të Wagner se për t’u hakmarrë për vdekjen e Prigozhin duhet të luftojnë kundër Rusisë.

“Ju jeni përballë një zgjedhjeje serioze tani – ju mund të qëndroni në një tezgë të ministrisë së mbrojtjes së Rusisë dhe të shërbeni si roje për ekzekutorët e komandantëve tuaj ose të hakmerreni,” tha Denis Kapustin, komandanti i Trupave Vullnetare Ruse, në një video të publikuar dje vonë.

“Për të marrë hak, duhet të kaloni në anën e Ukrainës”, shtoi ai.

Kapustin, një shtetas rus i ekstremit të djathtë, themeloi grupin e armatosur një vit më parë. Ky grup lufton në anën ukrainase dhe ka deklaruar se qëndron pas disa sulmeve ushtarake në rajonet kufitare ruse.

LEXONI GJITHASHTU:

• Eksperti: Prigozhin s’ka vdekur, në avion ishte sozia e tij. Çfarë fsheh “aksidenti”
• VIDEO| Momenti i rrëzimit të avionit me të cilin udhëtonte Prigozhin
• Përfshirë dhe krahun e djathtë të tij, kush janë 9 viktimat në avionin e Prigozhin