Rusia akuzon Ukrainën për atentatin ndaj gjeneralit të lartë rus: Inteligjenca polake e përfshirë

Shërbimi Federal i Sigurisë i Federatës Ruse (FSB) njoftoi të hënën, se atentati ndaj gjeneralit rus Vladimir Alekseyev u urdhërua nga shërbimet e inteligjencës ukrainase (SBU), raportoi agjencia e lajmeve Interfax.

Sipas FSB-së, shërbimet e inteligjencës polake ishin të përfshira në rekrutimin e autorit të krimit.

FSB-ja nuk dha asnjë provë që Reuters mund ta verifikonte menjëherë.

Një shtetas rus i lindur në Ukrainë, Lyubomir Korba, u ekstradua në Moskë nga Dubai si i dyshuar për plagosjen e rëndë të Alekseyev, thanë dje zyrtarët rusë të sigurisë.

Gjenerallejtënant Vladimir Alekseev, zëvendësdrejtor i shërbimit të inteligjencës ushtarake të Rusisë (GRU), u qëllua në një pallat në Moskë të premten, thanë hetuesit. Ai iu nënshtrua një ndërhyrjeje kirurgjikale pas sulmit, sipas mediave ruse.

Ministri i Jashtëm rus Sergei Lavrov akuzoi Ukrainën se qëndron pas atentatit, i cili sipas tij kishte për qëllim sabotimin e bisedimeve të paqes. Ukraina tha se nuk kishte lidhje me sulmin.

Alekseyev është zëvendësshefi i parë i GRU-së, gjenerali Igor Kostyukov. Ky i fundit kryesoi delegacionin rus gjatë bisedimeve të fundit midis Moskës dhe Kievit në prani të amerikanëve në Abu Dhabi për të zgjidhur konfliktin në Ukrainë.