Rusia bombardon Kharkivin, Zelenski: Do të hakmerremi

Presidenti i Ukrainës, Volodimir Zelenski ka dënuar sulmin e fundit të forcave ruse në Kharkiv, ku guvenratori i qytetit tha se 6 persona kanë vdekur dhe 16 të tjerë janë plagosur pas bombardimit të një blloku banesash.

Sipas Zelenskit, një ndërtesë ishte shkatërruar totalisht dhe tha se ky sulm nuk kishte justifikim, shkruan Al Jazeera.

“Nuk do të falim, do të hakmerremi”, shkroi presidenti ukrainas në aplikacionin Telegram.

Ekipi mediatik i Zelenskit ndau pamjet e pasojave të sulmit, duke treguar shërbimet e urgjencës të mbledhura jashtë ndërtesës në flakë.

Këtë të enjte, Zelenski do të takohet në Lviv me Sekretarin e Përgjithshëm të Kombeve të Bashkuara, Antonio Guterres dhe Presidentin e Turqisë, Rexhep Tajip Erdogan.

LEXONI GJITHASHTU

• Zelenski-rusëve: Nëse heshtni për luftën, atëherë jeni fajtorë
• Putin ‘vjell vrer’ ndaj Perëndimit: Po zgjat konfliktin në Ukrainë, po nxit të tjera