“Rusia do ta shesë Serbinë”, Spahiu: Çmimi i Putinit për Vuçiçin është..

Profesori Nexhmedin Spahiu i ftuar në “Balkan Talks” me Franko Egro në Euronews Albania ka folur lidhur me marrëdhëniet Serbi-Rusi. Spahiu ka bërë një parashikim ku sipas tij Rusia në të ardhmen do të heqë dorë nga Serbia ashtu siç ka ndodhur më parë nga SHBA-ja me Afganistanin.

“Serbia është izoluar me vendet e NATO-s. Rusia përpiqet ta mbajë me aq sa mundet ne orbitën e saj por në fund të fundit do të jetë e detyruar ta sakrifikojë atë.

Nuk mund ta parashikojmë sesi do të përfundojë kjo përleshje Rusi-Perëndim por do të përpiqet ta mbaj deri sa të jetë e mundur ne tutelën e saj por nëse do të detyrohet ta dorëzojë do të heqë dorë.

Siç ka hequr dore SHBA nga Afganistani në momentin kur e ka kuptuar se po i kushtin më shtrenjtë sasa dobia gjeostrategjike është tërhequr nga Afganistani. E njëjta gjë vlen dhe për Serbinë por është më e vështirë ta parashohim.

E konsideroj pozitive për Kosovën që ai ka kërkuar që populli i Ballkanit perëndimor të futën në BE, kjo do të thotë një njohje e mençur e Kosovës”, tha ai.

LEXONI GJITHASHTU:

• Paralajmëron Spahiu: Serbia do rihapë çështjet territoriale me Kosovën
• Eksperti Bytyçi: Vuçiç do sulmonte Kosovën e Bosnjën, por u ndal nga protestat