Rusia do të evakuojë civilët nga Kherson pas avancimeve ukrainase

Lideri i instaluar nga Rusia në rajonin ukrainas Herson, Vladimir Saldo, u ka bërë thirrje civilëve që të evakuohen, duke përmendur sulmet ditore me raketa nga forcat ushtarake ukrainase.

Ai u kërkoi atyre që të shpëtojnë veten duke shkuar në Rusi për “pushim dhe studime”, si dhe ka kërkuar ndihmën e Moskës.

Kësaj thirrjeje i është bashkuar më vonë zëvendëskryeministri rus, Marat Khusnullin, përmes një mesazhi në televizionin shtetëror.

Ukraina hedh poshtë akuzat se shënjestron civilët e saj.

Trupat e saj ushtarake kanë çliruar së fundmi disa zona në veriperëndim të Kherson dhe i janë afruar qendrës.

Kherson është kryeqyteti i vetëm rajonal që ka rënë nën kontrollin e forcave ruse, prej nisjes së luftës në Ukrainë më 24 shkurt.

LEXONI GJITHASHTU

• ‘Nëse Rusia hedh bombën bërthamore, ne s’do përgjigjemi’, ku do të dalë Macron?
• Pse SHBA dhe Rusia nuk janë dënuar kurrë për krimet e tyre të luftës?
• Putin dhe Xi kërcënojnë ‘rrëzimin’ e dollarit amerikan, ja cili është plani