Rusia drejt aneksimit të territoreve ukrainase, Perëndimi paralajmëron sanksione

Rusia është gati të aneksojë një pjesë të Ukrainës brenda disa ditësh, pas përfundimit të referendumeve në 4 rajone.

Sipas auroriteteve rajonale të mbështetura nga Moska, më shumë se 90% e banorëve në Donetsk, Luhansk, Zaporizhia dhe Kherson kanë votuar pro bashkimit me Rusinë.

Por Ukraina dhe Perëndimi i kanë denoncuar si referendume të paligjshme dhe se janë mbajtur duke i kërcënuar banorët me armë, shkruan Reuters.

Për të aneksuar territoret, të cilat përfaqësojnë rreth 15% të Ukrainës, një lloj traktati do të duhet të arrihet dhe ratifikohet nga parlamenti rus, i cili kontrollohet nga aleatët e Putinit.

Kreu i Dhomës së Lartë të Parlamentit rus tha se mund të konsideronte përfshirjen e katër rajoneve pjesërisht të pushtuara më 4 tetor, tre ditë përpara ditëlindjes së 70-të të presidentit Putin.

Ndërsa, Shtetet e Bashkuara deklaruan se do të vendosin sanksione të reja ndaj Rusisë për referendumet, teksa edhe ekzekutivi i Bashkimit Evropian propozoi më shumë sanksione, por 27 vendet anëtare të bllokut do të duhet të kapërcejnë dallimet e tyre për t’i zbatuar ato.

LEXONI GJITHASHTU

• Rezolutë kundër referendumeve, OKB, SHBA dhe NATO dënojnë Rusinë
• Pro bashkimit me Rusinë, Putin shpall të premten vendimin për referendumet
• Pse referendumi i sotëm rrezikon ‘fillimin e fundit të luftës’ në Ukrainë?