Rusia është e hapur për të diskutuar rreth centralit në Zaporizhia, thotë Putin

Presidenti rus, Vladimir Putin i ka thënë shefit të Agjencisë Ndërkombëtare për Energji Atomike, Rafael Grossi, që ai është i hapur për dialog rreth centralit bërthamor në Zaporizhia.

Gjatë një takimi në Shën Petersburg, Putin u shpreh se situata rreth centralit është shqetësuese, shkruan Reuters.

Sipas shefit të Kremlinit, ka pasur politizim të tepruar dhe të rrezikshëm të gjithçkaje që kishte të bënte me aktivitetin bërthamor.

Ndërsa Grossi do të takohet edhe me presidentin ukrainas Volodymyr Zelensky në Kiev, më vonë gjatë kësaj jave, për të diskutuar rreth centralit.

Termocentrali bërthamor i Zaporizhia, më i madhi në Evropë, ka qenë një pikë kyçe në operacionin ushtarak të Rusisë në Ukrainë.

LEXONI GJITHASHTU

• Zelenski: Perëndimi të vendosë më shumë sanksione ndaj Rusisë
• Erdogan dhe Putin pritet të takohen në Kazakistan
• ‘Raketat në Kiev u lëshuan nga Moska’, Putin: Kundërpërgjigje ndaj sulmit terrorist