Rusia ka lëshuar mbi 80 mijë pasaporta për ukrainasit në territoret e aneksuara

Moska tha të enjten se ka lëshuar më shumë se 80,000 pasaporta ruse për banorët e katër territoreve ukrainase që kur Presidenti Vladimir Putin pretendoi se kishte aneksuar rajonet në shtator.

“Që nga shtimi i katër rajoneve në Federatën Ruse dhe në përputhje me legjislacionin, më shumë se 80,000 njerëz morën pasaporta si qytetarë të Federatës Ruse,” tha Valentina Kazakova, një zyrtare e migracionit në Ministrinë e Brendshme, shkruan The Moscow Times.

Në shtator, Rusia mbajti të ashtuquajturat referendume në katër rajone të Ukrainës – Donetsk, Luhansk, Zaporizhzhia dhe Kherson dhe tha se banorët kishin votuar pro bashkimit.

Putini aneksoi zyrtarisht territoret në një ceremoni në Kremlin më vonë atë muaj, edhe pse forcat e tij nuk kanë pasur kurrë kontroll të plotë mbi to.

Kombet e Bashkuara dënuan “përpjekjen e aneksimit të paligjshëm” të tokës ukrainase dhe i kërkoi komunitetit ndërkombëtar “të mos njohë asnjë ndryshim të shpallur nga Rusia në kufij”.

Rusia, që atëherë ka humbur një pjesë të territorit që kontrollonte në Ukrainë.

LEXONI GJITHASHTU

• Kremlini: Ukraina mund t’i japë fund vuajtjeve të popullit duke përmbushur kërkesat

• Polonia i kërkon Gjermanisë të dërgojë raketa “Patriot” në Ukrainë
• ‘Gati të paguajmë çmimin’, Stoltenberg për mbështetjen e Ukrainës: Është një detyrim