Rusia merr qytetin kyç në Ukrainë? Zelensky zbulon çfarë po ndodh në Lindje

Mercenarët e Wagner deklaruan në fillim të prillit se kishin mposhtur forcat ukrainase dhe kishin mundur të merrnin kontrollin e plotë të qytetit të Bakhmutit.

Në lidhje me këto deklarime ka reaguar dhe presidenti ukrainas, Volodymyr Zelensky, i cili tha se forcat ukrainase vazhdojnë ta mbajnë qytetin e vijës së frontit në lindje të Ukrainës, pavarësisht pretendimeve ruse.

Zelensky theksoi se tërheqja e trupave ukrainase do të bëhej vetëm atëherë kur do të nënkuptonte shpëtimin e trupave ushtarake.

“Gjëja më e rëndësishme për mua është që të mos humbasim ushtarët tanë”, tha ai, duke shtuar se në rast se trupat ukrainase do të rrethohen, “do të merren vendimet përkatëse të sakta”.

Qyteti i Bahmutit dhe qytetet përreth të rajonit industrial lindor të Donjeckut kanë qenë objektiv i sulmeve të vazhdueshme ruse që nga fillimi i luftës 13 muaj më përpara. Më herët, Ukraina ka thënë se kontrollimi i Bahmutit përbën “nevojë ushtarake”, për shkak të pozicionit kyç të qytetit në lindje të vendit.

LEXO GJITHASHTU:

• Nipi i John Kennedy sfidon Biden, shpall kandidaturën për president
• “Ju mund ta sillni Rusinë në vete”- Macron takon presidentin kinez