‘Rusia mund të luftojë edhe 2 vjet’ – Raporti i shërbimeve inteligjente të Lituanisë

Një raport i shërbimeve të Lituanisë, vend fqinj me Rusinë, thotë se Moska ka burime ushtarake për të vijuar dhe dy vite të tjerë luftën në Ukrainë.

Makineria e luftës së Rusisë mund të ketë rezerva për betejat në Ukrainë edhe për dy vitet e ardhshme. Ky është parashikimi që jep një raport i agjencive të inteligjencës të Lituanisë.

Sipas raportit, çmimet e larta të naftës, shmangia e sanksioneve dhe investimet shtetërore i mundësojnë Rusisë që të ketë burime të mjaftueshme edhe për 24 muajt e ardhshëm.

Raporti është hartuar nga dy agjenci: Departamenti i Sigurimit Shtetëror i Kundërzbulimit dhe Shërbimi i Inteligjencës dhe Sigurisë së Mbrojtjes të Ushtrisë, që janë në kuadër të Ministrisë së Mbrojtjes Kombëtare.

Lituania, shtet fqinj me Rusinë dhe Bjellorusinë është anëtare e NATO-s dhe Bashkimit Evropian dhe vitet e fundit ka rritur ndjeshëm investimet në mbrojtje.

Sipas dokumentit, Rusia ka arritur të shmang sanksionet duke blerë armë dhe lëndë në të parë Irani, Koreja e Veriut dhe Kina.

Raporti i shërbimeve të Lituanisë thotë se nga Rusia dhe Bjellorusia janë rritur përpjekjet për të rekrutuar ushtarë nga vende të tjera dhe për të përdorur qytetarë për spiunazh në vendet e NATO-s.

LEXONI GJITHASHTU:

• Presidentja Sandu: Rusia dëshiron ta destabilizojë Moldavinë
• Rusia sulmon Odesën, ndërsa kryeministri grek Micotaqis vizitonte qytetin port