Rusia ndërpret furnizimin me gaz për Holandën

Gazprom, i cili është një ndër furnizuesit më të mëdhenj të energjisë në Rusi, njoftoi të martën ndërprerjen e furnizimit me gaz për Holandën.

Shkaku është se Hollanda nuk kishte bërë pagesat për gazin e dorëzuar në prill, raporton Reuters.

Rusia ka ndërprerë furnizimet me gaz edhe për Poloninë, Bullgarinë dhe Finlandën, të cilat kishin refuzuar të bënin pagesa për gazin, për shkak të urdhrit të Putinit, i cili kërkonte që llogaritë e rublës të krijohen në një bankë ruse si pjesë e skemës së shlyerjes.

Kërkesat e reja për vendet që Moska i konsideron “jomiqësore” u prezantuan pas sanksioneve gjithëpërfshirëse të vendosura nga Perëndimi ndaj Rusisë, e cila e quan një “operacion ushtarak special” në Ukrainë.

“Pagesat për gazin e furnizuar nga 1 prilli duhet të bëhen në rubla duke përdorur detajet e reja bankare, për të cilat palët u informuan në kohën e duhur”, njoftoi kompania.

Kompania e gazit “GazTerra” e cila bën shitblerje të gazit në emër të qeverisë holandeze, tha se kishte bërë marrëveshje alternative për të mbuluar 2 miliardë metra kub gaz që pritej të merrej nga Gazprom në tetor.

GazTerra gjithashtu deklaroi se kishte vendosur të mos miratonte sistemin e ri të pagesave, i cili përfshinte krijimin e llogarive për të kthyer pagesat në euro në rubla.

 LEXONI GJITHASHTU:

• Kancelari austriak: Embargoja e naftës do të jetë e dhimbshme për europianët
• ‘Rrezikohet siguria’, paralajmërimi i Erdogan për anëtarësimet në NATO