Rusia nxjerr librin e ri shkollor të historisë, justifikon luftën kundër Ukrainës
Autoritetet në Moskë kanë zbuluar një libër të ri shkollor i cili synon të justifikojë luftën kundër Ukrainës dhe akuzon Perëndimin se po përpiqet të shkatërrojë Rusinë.
Sipas fragmenteve të publikuara nga mediat ruse, nxënësit e shkollave tani do të mësojnë se qytetërimi njerëzor mund të kishte marrë fund nëse Vladimir Putin nuk do të kishte filluar “operacionin e tij special ushtarak” kundër Ukrainës.
Libri shkollor, i quajtur “Historia Ruse, 1945 – fillimi i shekullit 21”, është bashkautor nga këshilltari presidencial Vladimir Medinsky, ish-ministër rus i kulturës.
Ky është libri i parë i historisë i miratuar zyrtarisht që përdoret në shkollat ruse, i cili përmend ngjarje të fundit si pushtimi në shkallë të plotë i Ukrainës, i cili filloi në shkurt 2022.
Nga shtatori, ai do të studiohet në vitin e fundit të arsimit të mesëm në Rusi – viti i 11-të, ku marrin pjesë nxënës të moshës 17-18 vjeç.
Teksti shkollor pretendon se “Perëndimi është i fiksuar në destabilizimin e situatës brenda Rusisë” dhe për të arritur këtë qëllim, fuqitë perëndimore përhapën “rusofobinë e pa maskuar”.
Sipas BBC, libri vijon më te duke propaganduar se perëndimi filloi ta “tërheqë” Rusinë në konflikte të ndryshme. Objektivi përfundimtar i Perëndimit është të shkatërrojë Rusinë dhe të marrë kontrollin e pasurisë së saj minerale.
Në libër gjithashtu përsëriten klishe të shumta nga propaganda e Kremlinit, duke e portretizuar Ukrainën si një shtet agresiv të drejtuar nga ekstremistët nacionalistë dhe të manipuluar nga Perëndimi, i cili dyshohet se e përdor vendin si një “dash” kundër Rusisë.
Sipas librit, Ukraina është pak më shumë se një shpikje perëndimore e krijuar për të kundërshtuar Rusinë, madje flamuri blu-verdhë i Ukrainës supozohet se është shpikur nga austriakët të etur për të bindur ukrainasit se ata janë të ndryshëm nga rusët.
LEXONI GJITHASHTU:
Uji përmbyt rrugën në Virxhinia, momenti kur polici shpëton gruan e bllokuar në një gropë 2.5 metra të thellë
Vala e të nxehtit në Evropë, policia e Berlinit freskon me ujë fansat në koncertin e Bruno Mars-it (VIDEO)
Kompania spanjolle anulon 320 shërbime me trena, mijëra udhëtarë në vështirësi për shkak të një greve
- 12:24 Gjykata vendos, lihet në burg autori i vrasjes së vëllait të tij në Kavajë
- 12:24 Ish-këshilltari i Clinton: Sazani i rrënuar, investitorët do derdhin miliarda dollarë për ta ndryshuar
- 12:18 “I proceduar për 8 vepra penale”, Rama publikon të dhëna për një nga organizatorët e protestës
- 12:09 Largimi i Koçekut nga grupi parlamentar, Balla: Të dorëzojë mandatin, ja ka dhënë PS
- 11:51 U lanë të flinin në makinë në kulmin e të nxehtit, humbin jetën dy të mitur në Qipro
- 11:45 “Tullumbacja plasi në sytë e shqiptarëve”, Balla: Sot protestën atyre që e nisën, ua kanë vjedhur