Rusia rrit sigurinë pas shpërthimit në urën që e lidh me Krimenë

Rusia rriti sigurinë në urën që e lidh me Krimenë, pasi një shpërthim i madh të shtunën shkatërroi disa pjesë të saj.

Presidenti rus, Vladimir Putin ka urdhëruar Shërbimin Federal të Sigurisë të vendit (FSB) të mbikëqyrë lidhësin kyç me gadishullin e aneksuar në vitin 2014, shkruan BBC.

Zyrtarët thanë se puna për rregullimin e pjesëve të dëmtuara do të fillojë menjëherë.

Autoritetet ruse lëvizën me shpejtësi për të rihapur ato pjesë të urës ende të paprekura dhe deklaruan se ura është rihapur pjesërisht për trafikun rrugor dhe hekurudhor.

Zëvendëskryeministri rus urdhëroi që pjesët e shkatërruara të urës të hiqen dhe tha se të dielën do të fillojnë hetimet.

51-vjeçari Makhir Yusobov, dyshohet se është drejtuesi i kamionit me eksploziv që,  shpërtheu në orët e para të së shtunës në urën e Krimesë.

Ai punonte si shofer kamioni dhe ishte vazhdimisht në lëvizje brenda rajonit të Krasnodarit, në lindje të Krimesë. Sulmi vrau shoferin dhe një çift në një makinë që lëvizte pranë kamionit.

LEXONI GJITHASHTU

• Tre të vrarë nga shpërthimi i urës në Krime, thotë Rusia
• FOTO | Çfarë ngeli pas shpërthimit në urën që lidh Krimenë me Rusinë
• Ky është drejtuesi i kamionit që shpërtheu urën e Krimesë