Rusia shfuqizon marrëveshjen bërthamore, Kremlini: SHBA nuk e ratifikuan kurrë

Rusia ka bërë një tjetër hap mbrapa në rrugën drejt çarmatosjes bërthamore. Duma, siç njihet Dhoma e Deputetëve, aprovoi këtë të martë një draft që shfuqizon ratifikimin e Ndalimit Gjithëpërfshirës të Testeve Bërthamore.

Ligjvënësit ndoqën me përpikëri fjalimin e presidentit rus Vladimir Putin, i cili vazhdimisht ka denoncuar se vendi i tij aprovoi dhe ratifikoi traktatin në vitin 1996, ndërsa Shtetet e Bashkuara nuk e ratifikuan kurrë.

Drafti duhet të aprovohet në dy seanca të mëtejshme dhe më pas në Dhomën e Sipërme të Parlamentit rus.

Shfuqizimi vjen në një kohë kur tensionet mes Rusisë dhe Perëndimit janë rritur për shkak të pushtimit të Ukrainës.

412 deputetë votuan pro dhe asnjë nuk abstenoi pasi 440 anëtarët e Dumës sinjalizuan mbështetjen e tyre për draftin javën e kaluar.

Rusia dhe Shtetet e Bashkuara i ndërprenë testet e tyre bërthamore në vitet ’90 dhe rifillimi i tyre mund të sjellë nisjen e një gare të re armatimesh.

Aktualisht, Koreja e Veriut është vendi i vetëm që ka kryer një test bërthamor që përfshinte një shpërthim.