Rusia sulm masiv ajror në Ukrainë, “breshëri” raketash pranë territorit të NATO-s

Moska filloi një sulm të madh ajror në rajonin perëndimor të Ukrainës, Lviv dhe rajonin veriperëndimor të Volyn, duke vrarë të paktën tre persona dhe duke plagosur shumë të tjerë, thonë zyrtarët.

Tre persona u vranë dhe disa të tjerë u transportuan të plagosur në spitalin e Lutsk pasi një ndërmarrje biznesi u godit me raketa, tha Yuriy Pohulyaiko, guvernator i rajonit Volyn përmes një mesazhi në Telegram.

Rajoni i Volyn kufizohet me Poloninë anëtare të NATO-s në perëndim të saj.

Sipas informacioneve paraprake, nuk pati viktima nga sulmi ajror i Rusisë në rajonin perëndimor të Lviv, por më shumë se 100 shtëpi banimi u dëmtuan dhe një park pranë një çerdheje fëmijësh u shkatërrua.

“Shumë raketa u rrëzuan, por pati edhe goditje në Lviv”, tha kryebashkiaku i qytetit Andriy Sadovyi në Telegram, duke shtuar se u dhanë urdhra për evakuimin e të paktën një ndërtese banimi të djegur.

Forcat ajrore të Ukrainës thanë se forcat e saj të mbrojtjes ajrore shkatërruan 16 nga të paktën 28 ​​raketa të lëshuara nga Rusia gjatë natës.

LEXONI GJITHASHTU:

• Rusia pajis nëndetëset e reja bërthamore me raketa hipersonike
• Rusia në polin jugor të Hënës? Anija kozmike Luna-25 dërgon rezultatet e para