Shpërthim në stacionin hekurudhor në Kiev që shërbente si strehë

Një shpërthim i fuqishëm ka thyer xhamat e një stacioni hekurudhor në Kiev i cili shërbente si strehë e nëndheshme për mijëra fëmijë dhe gra.

The moment of the rocket strike on Kyiv, south Railway station https://t.co/8QwwFlAzvm pic.twitter.com/AtpfrM4tSx via @EuromaidanPR #Ukraine

— Liveuamap (@Liveuamap) March 2, 2022

Sipas autoriteteve nuk ka pasur viktima, ndërkohë që ka nisur evakuimi i qytetarëve.

“Terroristët rusë sulmuan nga ajri stacionin jugor të hekurudhës në Kiev. Po evakuohen mijëra gra e fëmijë”, thuhej në deklaratën e administratës lokalë të Kievit.

Këshilltari i ministrit të brendshëm, Anton Gerashchenko, deklaroi se predha goditi një rrjet të ngrohjeje dhe se një pjesë e qytetit mund të mbetet pa ngrohje.

Ai tha gjithashtu se dëmi mund të jetë shkaktuar nga mbetjet e një rakete që u kap nga sistemet e mbrojtjes ajrore të Ukrainës.

Kryetari i bashkisë Vitali Klitschko, pohoi se ka pasur një sërë sulmesh raketore në kryeqytet dhe zonat përreth, por nuk janë shënuar viktima.

“Jemi duke hetuar ngjarjen”, tha Klitschko në faqen e tij në Telegram.

Sipas raportimeve nga mediat vendase, trupat ruse kanë bombarduar një sërë zonash rezidenciale në gjithë rajonin e Kievit.

LEXONI GJITHASHTU:

• Përditësime LIVE 2 mars: Mbi 2000 civilë të vrarë për 7 ditë në Ukrainë
• OKB miraton rezolutë: Rusia të tërheqë të gjitha trupat nga Ukraina