Rusi|Lotari, dreka e koncerte, si i josh Putin votuesit për të ‘mposhtur’ abstenimin

Në Rusi po mbahen zgjedhjet presidenciale, ku kreu aktual i Shtetit, Vladimir Putin, pritet të sigurojë një tjetër mandat.

Sipas mediave të huaja, zgjedhjet në Rusi po mbahen në kushtet e një represioni shtetëror mbi qytetarët dhe mediat e pavarura.

Kremlini synon një pjesëmarrje më të lartë se gjashtë vjet më parë. Sipas mediave të huaja, këtë pjesëmarrje të lartë dhe ‘mposhtjen’ e abstenimit, Putin po përpiqet ta arrijë përmes lotarive, drekave dhe koncerteve falas.

Po ashtu, sipas raporteve, bëhet me dije se për të rritur pjesëmarrjen në zgjedhjet presidenciale në Rusi, qendrat e votimit hapen për 3 ditë me radhë.

Po sipas këtyre raporteve, kjo gjë, bashkë me votimin online, e bën edhe më të lehtë manipulimin e rezultatit të zgjedhjeve.

Disa nga kutitë e votimit janë transparente dhe fleta e votimit, e shpalosur, mbetet e ekspozuar.

Kujtojmë se Perëndirmi i ka kritikuar zgjedhjet presidenciale në Rusi, duke thënë se ato nuk përmbushin standartet për zgjedhje të lira e të ndershme.

LEXONI GJITHASHTU:

• Nisin zgjedhjet në Rusi, Vladimir Putin gati për të siguruar mandatin e tij të pestë
• Në vorbullën e luftës dhe shtypjes, Putin pranë sigurimit edhe të një mandati