Russell mund Hamilton për pole në Silverstone

George Russell realizoi një pole position impresiv në Provat Zyrtare të “British Grand Prix”, ndërsa Mercedes plotësoi rradhën e 1’rë me Lewis Hamilton në vendin e 2’të. Pas një nisje të mirë në sesionin e 3’të, Russell u përmirësua më tej për kohën 1’25”819, me një diferencë prej 0.171” nga Hamilton, ndërsa Lando Norris ndoqi rivalët e McLaren duke kompletuar tredhëmbëshin britanik në kryesim.

Max Verstappen nuk shkoi më larg se vendi i 4’rt për Red Bull, duke vuajtur kalimin mbi bordurat në kthesën Copse. Oscar Piastri dhe McLaren u renditën në vendin e 5’të përpara Nico Hulkenberg që plotësoi rradhën e 3’të në bordin e Haas i  ndjekur nga Ferrari i Carlos Sainz. Ndërkohë Lance Stroll dhe Fernando Alonso patën një pasdite të mirë për Aston Martin duke u renditur në vendet 8 & 10 të ndara nga Williams i Alex Albon në vendin e 9’të.

Pasdite zhgënjyese për Charles Leclerc dhe Ferrari’n që u eleminua në sesionin e 2’të duke u renditur në vendin e 11’të. Ai do të niset përkrah Williams të Logan Sargeant që me vendin e 12 bëri paraqitjen më të mirë këtë sezon.

Kjo është rradha e nisjes në “British Grand Prix” që do të transmetohet në Euronews Albania:

1. George Russell (Mercedes) – 1:25.819
2. Lewis Hamilton (Mercedes)
3. Lando Norris (McLaren)
4. Max Verstappen (Red Bull)
5. Oscar Piastri (McLaren)
6. Nico Hulkenberg (Haas)
7. Carlos Sainz (Ferrari)
8. Lance Stroll (Aston Martin)
9. Alex Albon (Williams)
10. Fernando Alonso (Aston Martin)
11. Charles Leclerc (Ferrari)
12. Logan Sargeant (Williams)
13. Yuki Tsunoda (RB)
14. Zhou Guanyu (Sauber)
15. Daniel Ricciardo (RB)
16. Valtteri Bottas (Sauber)
17. Kevin Magnussen (Haas)
18. Esteban Ocon (Alpine)
19. Sergio Perez (Red Bull)

20 Pierre Gasly (Alpine, penalitet -50 vende)

LEXONI GJITHASHTU:

• Mercedes “hap thesin” për kampionin e Red Bull
• Norris mundi Verstappen për fitoren e parë në Formula 1