Gjykata e Shkallës së Parë Kundër Korrupsionit dhe Krimit të Organizuar ka urdhëruar vijimin e masës së sigurisë arrest shtëpie për Irgen Kërçykun.
Ky i fundit është ish-përfaqësues i Avokaturës së Shtetit i cili doli në përgjime me Aleksandër Lahon (Rrumin e Shijakut) të akuzuar për tjetërsimin e pronave në Gjirin e Lalzit.
SPAK ka në dorë një video-përgjim të qershorit 2017. Në përgjim dyshohet se shfaqet Aleksandër Laho, njohur edhe si ‘Rrumi i Shijakut’, duke biseduar me shtetasin Irgen Kërçyku për një shumë parash.
SPAK pretendon se në këtë video-përgjim, Irgen Kërçyku ka kërkuar 12 milionë lekë në këmbim të mosapelimit të procesit gjyqësor në lidhje me pronësinë e 45 mijë metra/katrorë pronë shtetërore në Gjirin e Lalzit.
LEXONI GJITHASHTU:
- SPAK lëshon urdhër-arresti për ‘Rrumin e Shijakut’
- Hetimi i pronave në Lalëz, si u tjetërsuan mijëra m2 përmes falsifikimit
