Prokuroria e Posaçme Kundër Korrupsionit dhe Krimit të Organizuar ka mbyllur hetimet dhe ka çuar për gjykim 2 punonjës të Kadastrës Sarandë me akuzën e korrupsionit.
Përmes një njoftimi, SPAK bën me dije se Laert Pasha dhe Sajmir Bako, punonjës të ASHK Sarandë kanë përfituar në mënyrë të paligjshme vlera monetare që variojnë nga 1000 Euro deri në 3000 Euro për të pajisur me certifikata pronësie 2 shtetas të tjerë.
“Nga hetimet e kryera u administruan prova që vërtetojnë se të pandehurit Hamza Tola dhe Jorgo Kreku kanë kryer veprën penale “Ushtrimi i ndikimit të paligjshëm ndaj personave që ushtrojnë funksione publike”, të parashikuar në nenin 245/1 paragrafi 4 i Kodit Penal, për arsye se, me veprimet e tyre, ato i kanë kërkuar shtetasit Kastriot Kreku një përfitim të paligjshëm monetar, që varionte nga 1000 Euro deri në 3000 Euro, duke i premtuar ndërhyrjen tek të pandehurit Laert Pasha dhe Sajmir Bako, të dy punonjës të ASHK Sarandë, me qëllim për ta ndihmuar atë në procedurën e pajisjes me certifikatën e pronësisë. Ndërkohë gjithashtu u administruan prova që vërtetojnë se të pandehurit Laert Pasha dhe Sajmir Braho, punonjës të ASHK Sarandë, në bashkëpunim me njëri tjetrin kanë kryer veprën penale “Korrupsioni pasiv i personave që ushtrojnë funksione publike”, parashikuar nga neni 259/2 e 25 i Kodit Penal, me qëllim marrjen në favor të tyre të një përfitimi të paligjshëm monetar që varionte nga 1000 deri në 3000 Euro”, sqaron SPAK.
LEXONI GJITHASHTU:
- Arben Kraja kërkon para për “fortifikimin” e godinës së SPAK
- SPAK dërgon për gjykim ish-anëtarin e Gjykatës së Lartë
